Category: Uncategorized

మోహన్ క్రైమ్ రీపోటర్ : మానేటి న్యూస్ హన్మకొండ/

హనుమకొండ/వరంగల్ గత కొద్ది గంటలుగా కురుస్తున్న భారీ వర్షం నగరాన్ని పూర్తిగా అతలాకుతలం చేసింది. ముఖ్యంగా హనుమకొండ, కాజీపేట, వరంగల్ అర్బన్ ప్రాంతాల్లో వర్షం తీవ్రంగా కురవడంతో రోడ్లు నీట మునిగిపోయాయి. వర్షపు నీరు రోడ్లమీదకి వచ్చి మొక్కలపైకి కూడా చేరింది. ఫలితంగా ప్రధాన రహదారులు, గల్లీలు అన్ని బ్లాకైపోయాయి.సిటీ లోని హంటర్ రోడ్, కాజీపేట ఫ్లైఓవర్ కింద, ఎన్గోస్ కాలనీ, సుబెదారి, ములుగు రోడ్ ప్రాంతాల్లో వాహనదారులు తీవ్ర ఇబ్బందులు ఎదుర్కొంటున్నారు. పలు చోట్ల నీరు ఇంజన్లలోకి చేరడంతో వాహనాలు నిలిచిపోయాయి. మోటార్ బైకులు, ఆటోలు, కార్లు రోడ్డుమీదే ఆగిపోవడం వలన భారీ ట్రాఫిక్ జామ్ ఏర్పడింది.ప్రజలు రోడ్లపైకి రావొద్దని, ఇంట్లోనే సురక్షితంగా ఉండాలని అధికారుల హెచ్చరికలు ఉన్నాయి. డ్రైనేజీ లైన్లు పూర్తిగా నిండిపోవడంతో నీరు వెనక్కి ఎగసి వస్తోంది. వర్షపు నీరు నిలిచిపోయి రోడ్లపై పెద్ద గుంటలు ఏర్పడటంతో ప్రయాణం ప్రమాదకరంగా మారింది.స్థానికులు చెబుతూ — “ప్రతి సంవత్సరం ఇదే పరిస్థితి. చిన్న వర్షం పడినా నగరం మునిగిపోతుంది. మున్సిపల్ అధికారులు ముందస్తు చర్యలు తీసుకోవాలి” అని ఆవేదన వ్యక్తం చేశారు.ప్రమాద పరిస్థితుల్లో రోడ్లమీదికి రావొద్దని, తాత్కాలికంగా వాహనాలు నడపకూడదని పోలీసులు, మున్సిపల్ అధికారులు సూచిస్తున్నారు. వర్షం ఇంకా కొనసాగుతుండటంతో నగర ప్రజలు అలర్ట్‌గా ఉండాలని సూచించబడింది.

29th October 2025 మానేటి న్యూస్ కరీంనగర్:

కలెక్టరేట్ కేంద్ర హోంశాఖ సహాయ మంత్రి శ్రీ బండి సంజయ్ కుమార్..

ఈరోజు కరీంనగర్ కలెక్టరేట్ ఆడిటోరియంలో కరీంనగర్, సిరిసిల్ల జిల్లాల ఉన్నతాధికారులతో జిల్లా అభివృద్ధి సమన్వయ మానిటరింగ్ కమిటీ (దిశ) సమావేశాన్ని నిర్వహిస్తున్నారు కరీంనగర్, సిరిసిల్ల జిల్లాల కలెక్టర్లు శ్రీమతి పమేలా సత్పతి, శ్రీమతి గరీమా అగర్వాల్, అదనపు కలెక్టర్లతోపాటు పలువురు ఉన్నతాధికారులు హాజరైనారు.

మానేటి న్యూస్ కరీంనగర్ అక్టోబర్ 29/

నగరంలోని టవర్ సర్కిల్ ప్రాంతంలో బుధవారం ఉదయం అగ్ని ప్రమాదం సంభవించింది. టవర్ సర్కిల్‌లోని ప్రసిద్ధ కపిల్ డ్రెస్సెస్ షాపులో అకస్మాత్తుగా మంటలు చెలరేగడంతో కొద్ది సేపట్లోనే మంటలు భగ్గుమన్నాయి. షాపులో ఉన్న దుస్తులు, ఫర్నిచర్, ఎలక్ట్రానిక్ వస్తువులు క్షణాల్లో మంటలకిబలయ్యాయి. మంటలు వేగంగా పై అంతస్తులోని ఫోటో స్టూడియో సామగ్రి షాపుకూ వ్యాపించాయి.సమాచారం అందుకున్న అగ్నిమాపక సిబ్బంది వెంటనే ఘటనాస్థలానికి చేరుకుని రెండు ఫైరింజన్లతో దాదాపు రెండు గంటల పాటు తీవ్రంగా శ్రమించి మంటలను అదుపులోకి తెచ్చారు. ఈ ఘటనలో లక్షల రూపాయల విలువైన ఆస్తి నష్టం జరిగినట్టు అంచనా. అదృష్టవశాత్తూ ఎలాంటి ప్రాణనష్టం సంభవించలేదు.అగ్ని ప్రమాదానికి షార్ట్ సర్క్యూట్ కారణమై ఉండొచ్చని పోలీసులు భావిస్తున్నారు.

మోహన్ క్రైమ్ రీపోటర్ : మానేటి న్యూస్ హన్మకొండ*హైదరాబాద్, అక్టోబర్ 29:

మొంథా’ తుఫాన్ ప్రభావంతో తెలంగాణలో వర్షాలు విస్తృతంగా కురుస్తున్నాయి. రాష్ట్రవ్యాప్తంగా వాతావరణం చల్లగా మారగా, కొన్ని జిల్లాల్లో ముంపు పరిస్థితులు ఏర్పడే ప్రమాదం ఉందని భారత వాతావరణ విభాగం (IMD) హెచ్చరించింది.ములుగు, భద్రాద్రి కొత్తగూడెం, ఖమ్మం జిల్లాలకు రెడ్ అలర్ట్ జారీ చేస్తూ అత్యంత భారీ వర్షాల అవకాశం ఉందని తెలిపింది. దాంతో స్థానిక అధికారులు అప్రమత్తమై పలు ముందస్తు చర్యలు చేపట్టారు.విద్యాసంస్థలకు సెలవు ప్రకటన:తుఫాన్ ప్రభావం నేపథ్యంలో ఇప్పటికే ఖమ్మం జిల్లాలో అన్ని ప్రభుత్వ, ప్రైవేట్ విద్యాసంస్థలకు ఈ రోజు (బుధవారం) సెలవు ప్రకటించారు. తాజాగా మహబూబాబాద్, నల్గొండ జిల్లాల కలెక్టర్లు కూడా పరిస్థితిని దృష్టిలో ఉంచుకుని పాఠశాలలకు సెలవు ప్రకటించారు.పిల్లలను బయటకు పంపవద్దని, తల్లిదండ్రులు జాగ్రత్తలు పాటించాలని అధికారులు విజ్ఞప్తి చేశారు.ఇంకా ఏఏ జిల్లాల్లో వర్షాలు?హైదరాబాద్ వాతావరణ కేంద్రం తెలిపిన వివరాల ప్రకారం —వరంగల్, హైదరాబాద్, మేడ్చల్, మంచిర్యాల, సంగారెడ్డి, వికారాబాద్ జిల్లాల్లో ఎల్లో అలర్ట్ కొనసాగుతోంది.గద్వాల్, మహబూబ్‌నగర్, నాగర్‌కర్నూల్, నారాయణపేట, వనపర్తి, రంగారెడ్డి, నల్గొండ జిల్లాలకు ఆరెంజ్ అలర్ట్ జారీ చేయబడింది.ఈ ప్రాంతాల్లో రాబోయే 2-3 గంటల్లో ఉరుములతో కూడిన వర్షాలు, గాలివానలు పడే అవకాశం ఉందని IMD హెచ్చరించింది.అధికారులు అప్రమత్తం:రెవెన్యూ, మున్సిపల్, పోలీస్, విద్యుత్ శాఖలు సిబ్బందిని ఫీల్డ్‌లో ఉంచి పర్యవేక్షణ చేపట్టాయి. తక్కువ ఎత్తున ఉన్న ప్రాంతాల్లో నివసించే ప్రజలు అప్రమత్తంగా ఉండాలని సూచించారు.రెడ్ అలర్ట్ ఉన్న జిల్లాల్లో వరద నీరు చేరే ప్రమాదం ఉన్న ప్రాంతాలపై ప్రత్యేక పర్యవేక్షణ జరుగుతోంది. అవసరమైతే నదీ తీర ప్రాంత ప్రజలను సురక్షిత ప్రాంతాలకు తరలించేందుకు సిద్ధంగా ఉన్నట్లు జిల్లా అధికారులు తెలిపారు.